Oassálasste

Aina
73-jagák, Ranas

Aina la vuostasj nissun gut la medáljav ráddidusás oadtjum ietjas ällobargo åvdås. Ålles viessomájgev la elujn barggam. Rievddadusájt la vuojnnám 73 jage sinna. Dålen bárkvuossajn ja mánáj hárddon tjuojgaj máŋŋga mijla, valla dálásj ájge nieljevieragijn jali muohtavuojánijn várráj vuodjá. Ájn vil la Aina vihtta máná bajedam. Daŋga ájgen la vil sámij organiserimijn ja riektáj barggam. Ássjedåbdden la stahta guoradallamijn oassálasstám ällobargo åvdås.

Aina boahtteájggáj jáhkká. Doajvvu máná ja mánájmáná lulun máhttet suv láhkáj rejnaj barggat. Gå tjiellde riektá åvddåj sjaddá hähttu Aina vihtanasstet ietjas ja ietjas ájttegij birra viessoma åvdås. Miella låssu. Jus tjiellde dáhppu de márjju boahtteájgge ij åbbå gávnnu.

Elisabeth
49-jagák, Sirggás

Elisabeth barggá gånnå ienemusát ålmmå barggi. Iesj sarvvi, njuovvá ja ruojvvi. Buossje, gievrra ja tjådålasj la, gájkka buktá jus ber sihtá. Elisabeth ij la ällobargujn bajássjaddam, valla dat rájes gå boadnjátjijn, Per-Andersijn gávnadij la räjnna årrum suv iellem. Uddni Per-Anders ja Elisabeth vähkkálakkoj barggaba, muhttijn la Elisabeth miehtsen ja Per-Anders hejman mánáj ja muhttijn vas nuppe láhkáj.

Vehka luondo vattojs viessu. Sij dudálattjat viessu liekkosvuodajn ja ávujn. Mánájda, Sannaj ja Antarissaj, la ällobarggo ájnna viessom mejt dåbddåba. Viessom gånnå rájá älla bargo, asstoájge ja vega gaskan.

Lisa
26-jagák, Vapstenis

Lisa muodugahttá sáme ja látte viessoma gávnadimev guovte sájbbobåssånisá gávnadibmen. Aktan mannaba, goappátja libá tjáppe, valla siejnne agev gávnnu mij sunnuv sierat.
 
Lisa valástallampedagogan allaskåvlån låhkå ja lahkkeájgev áhtjijnis elujn barggá. Mavas de fällamij boahttuba. Gålmmå jage li dat rájes gå Lisa áhtjijnis bijlajn njuolgga nuppe bijla näjgga vuodjá. Goappátja alvvát fällaba. Lisa ij mánnuj gåhttså, häggagähtjáj báktjanam. Valla sån ällá. Oavddo la. Gäjnno ruoptus la guhkke ja Lisa ájn rahtjá buorránit.

Uddni elujn barggá nåv ålov mejt nahká. Ij sidá ájgev gållådit ja márjju boahtteájge ietjas vega älov sujtti. Lisa gähttjal árggabiejvij rijbbat.  

Sága

Sommar 2010 - Hjordeliv visas i Australien - igen!

Lågå gájkka

Filmmajuohkusav

Hans-Olof Utsi, 38-jahkásasj, sáme gåvvår Nearvvás Sámeednamin. 1994 rájes ietjas vidnudagájn Fotograf Hans-Olof Utsi AB Gironin barggá. 

Gehtja ålles filmmajuohkusav