Ällonissuna sisadno
"Ållu dålutjis li ulmutja Sámen viessum ja barggam. Ällobarggo la ájnas oasse iellemis ja sielos, viessomvuohke la."
Gávnadip gålmåjn nissunijn ällobargon. Sij li gålmåt buolvas ja gájka rahtji ietjasa viessoma ja kultuvrrariektá åvdås. Aina, Elisabetha ja Lisa lunna la liekkosvuohta ja ávvo valla aj mårråha assme.
Aina la 73-jagák ja ájn rejnaj barggá. Boahtteájggáj jáhkká. Doajvvu máná ja mánájmáná lulun máhttet suv láhkáj rejnaj barggat. Gå tjiellde riektá åvddåj sjaddá hähttu Aina vihtanasstet ietjas ja ietjas ájttegij birra viessoma åvdås. Miella låssu. Jus tjiellde dáhppu de márjju boahtteájgge ij åbbå gávnnu.
Elisabeth ij la ällobargujn bajássjaddam, valla dat rájes gå
boadnjátjijn, Per-Andersijn gávnadij la räjnna årrum suv iellem. Uddni
Per-Anders ja Elisabeth vähkkálakkoj barggaba, muhttijn la Elisabeth
miehtsen ja Per-Anders hejman mánáj ja muhttijn vas nuppe láhkáj.
Lisa la nuorra ja buossje. Åhpadiddjen låhkå ja daŋga ájgen elujn barggá, mavas hähkkat alvos bijllafällamij boahttu. Gäjnno ruoptus iellemij la guhkke ja Lisa hähttu rahtjat vaj väddjá. Dálla elujn barggá nåv ålov mejt nahká ja ij sidá ájgev gållådit. Lisa gähttjal árggabiejvij rijbbat, márjju boahtteájge ietjas vega älov sujtti.
Ruvva l rahpam filmas "Ällonissuna"
Ällonissuna vann priset 'BEST AESTHETICS vid 'Nepal International Indigenous Film Festival 2008'!
Oassálasste
Aina la ålles viessomájgev elujn barggam. Rievddadusájt la vuojnnám 72 jage sinna. Dålen bárkvuossajn ja mánáj hárddon tjuojgaj máŋŋga mijla, valla dálásj ájge nieljevieragijn jali muohtavuojánijn várráj vuodjá.
Filmmajuohkusav
Rasmus Ohlander la biesskedimbargujn 1998 rájes barggam ja låhkåm filmmabiesskedimåhpadusáv instituhtan Dramatiska Institutet Stockhålman.
