Dokumenterrafilmma Ällonissuna
Gávnadip gålmåjn nissunijn ällobargon.
Aina, Elisabeth ja Lisa gulluji guhtik buolvvaj. Sijá giehto muodugahtti viessomav ja rievddadusájt Sámen jåhttesámeviessomis dálásj sebrudahkaj. Jahkeájgij milta gåvådi ávov tjoahkkidijn, märkodijn ja njuovadattijn. Ájádusájn, niegojn ja mujtojn iejvvidip sijá vuojnoj viessoma ja dan sisŋemus árvo hárráj. Gå riektáprosässa gatjádallá dålusj guohtomriektáv ällobarggo ájdeduvvá.
Filmma gåvåt ulmutja sisŋep fámov ja rahtjamav ietjas viessoma åvdås. Gåvåt álggoálmmugij vájvijt udnásj sebrudagán ja kolonialismav mij la udnásj rijdojda ednama ja tjátje hárráj doalvvum.
Gåvå filmas
Aina nieljevieragijn vuodjá
Lisa, helikoptera sinna
Elisabeth giehppis bárkvuossajn
Oassálasste
Aina la ålles viessomájgev elujn barggam. Rievddadusájt la vuojnnám 72 jage sinna. Dålen bárkvuossajn ja mánáj hárddon tjuojgaj máŋŋga mijla, valla dálásj ájge nieljevieragijn jali muohtavuojánijn várráj vuodjá.
Filmmajuohkusav
Rasmus Ohlander la biesskedimbargujn 1998 rájes barggam ja låhkåm filmmabiesskedimåhpadusáv instituhtan Dramatiska Institutet Stockhålman.